VTC - දෙහිවල
දෙහිවල වෘත්තීය පුහුණු මධ්‍යස්ථානයේ පුහුණුව ලබන සියලුම අභ්‍යාසලාභීන් විසින් පහත සඳහන් නීතිරීති පිළිපැදිය යුතු බව කාරුණිකව දැන ගත යුතු වේ.
- සියළු අභ්‍යාසලාභීන් පුහුණු මධ්‍යස්ථානයේ නිල ඇඳුමින් සැරසී ප්‍රසන්න පෙනුමකින් සිටීම අනිවාර්ය වේ.
- සියළු පූර්ණ කාලීන පාඨමාලා පෙ.ව. 8.30 සිට ප.ව. 4.00 දක්වා ද, අර්ධ කාලීන පාඨමාලා පෙ.ව. 8.30 සිට ප.ව. 12.30 හා ප.ව. 1.00 සිට ප.ව. 5.00 දක්වා ද පැවැත්වේ.
- සතියේ දිනවල පැවැත්වෙන උදෑසන රැස්වීම සඳහා සහභාගී වීම අනිවාර්ය වේ.
- පාඨමාලා ගාස්තු නියමිත දිනට ගෙවා ලදුපත් කාර්යාලයට ලබා දිය යුතු වේ.
- මධ්‍යස්ථානයේ ක්‍රියා පටිපාටි නිවැරදිව සපුරා ඇති අයට පමණක් විභාග ප්‍රවේශපත් නිකුත් කරනු ලැබේ.
- ලිඛිත හා ප්‍රායෝගික යන දෙයාකාරයෙන්ම පරීක්ෂණ පැවැත්වේ.
- සියළු පරීක්ෂණයන්ගෙන් සමත්ව පැවරුම් නිසිපරිදි සම්පූර්ණ කල අය සඳහා සහතිකපත් නිකුත් කරනු ලැබේ.
- අධ්‍යාපන කටයුතුවලට අමතරව ආයතනයේ සිදු කරන බාහිර පොදු කටයුතු සඳහා දායකත්වය ලබාදිය යුතුවේ.
- තමන්ගේ අවශ්‍යතා සඳහා ලිපි ඉල්ලුම් කිරීමේදී අවශ්‍ය දිනට දින තුනකට පෙර අදාල පෝරමය පුරවා කාර්යාලයට බාර දිය යුතුයි.
- සියළු ලේඛන නිකුත් කිරීම් කොන්දේසි සහිත වන අතර මධ්‍යස්ථානයේ ලියාපදිංචිව ඇති නාමය නමින් පමණක් නිකුත් කිරීම සිදු වේ.
- ආයතනය හැර ගිය හෝ අසමත් වූවන් සඳහා ලිපි නිකුත් කරනු නොලැබේ.
- ආයතනයේ උපාංග පරිහරණයේ දී සුරක්ෂිතව පරිහරණය කිරීමත්, පිරිසිදුව තබා ගැනීමත්, දේශන සඳහා සහභාගී වීමේදී ජංගම දුරකථන ක්‍රියා විරහිතව තබා ගැනීමත්, මධ්‍යස්ථානයේ ගෞරවය ආරක්ෂා වන පරිදි කටයුතු කිරීමත් අනිවාර්ය වේ.
- ඉහත පොදු නීති අනුගමනය නොකිරීමෙන් ඇතිවන අපහසුතා ගැන මධ්‍යස්ථානය වග නොකියන අතර, ආයතනය මගින් ගන්නා සෑම තීරණයක්ම අවසන් තීරණය ලෙස පිලිපැදිය යුතුයි.
